Выстаўка творчых работ Анікевіча Алега Аркадзьевіча
“Свет маіх захапленняў”
(разьба па дрэве лобзікам)
У работах аўтара назіраецца імкненне да глыбокага і ўсебаковага ўспрымання прыгажосці навакольнай рэчаіснасці. Творчая задума аўтара і яго інтэрпрэтацыя знаёмых рэчаў у мастацка-дэкаратыўных вырабах пры дапамозе нейкіх арыгінальных дэталяў, дазваляе пераўтварыць рэч у незвычайную. Кожны прадстаўлены на выставе экспанат нясе ў сабе часцінку яго душы.
Вырабы, зробленыя лобзікам, прыцягваюць увагу любога чалавека: ад малога да вялікага. Гледзячы на работы Анікевіча А.А., атрымліваеш асалоду і ўпэўненасць у тым, што вакол нас пануе прыгажосць. Адметным з’яўляецца тое, што Алег Аркадзьевіч праз свае работы дорыць знаёмым і незнаёмым людзям шчасце, часцінку сваёй душы і вялікага творчага натхнення.
