У аг. Уселюб на Навагрудчыне адбыўся фестываль “Казіміраўскія выхадныя разам”, які стаў ужо традыцыйным.
Розныя мерапрыемствы прайшлі ў касцёле св. Казіміра (старэйшым з тых, што захаваўся да нашага часу ў Беларусі (1433 г.)), на галоўнай сцэне, у “тэатральным кутку”.
Дом-музей Адама Міцкевіча прадставіў сваю інтэрактыўную лакацыю – літаратурны салон “Натхнёныя музай”, якую актыўна наведвалі госці і ўдзельнікі фестываля.
